Pagadian City – Nag-atubang sa kasong paglapas sa Akta Republika 9165 kun Comprehensive Dangerous Drugs Act of 2002 ang 18 anyos nga lalaki human kining nadakpan sa gilusad nga drug buy operation, pinaagi sa mga personahe sa Pagadian City Drug Enforcement Team.
Gikasa ang operasyon alas 2:00 kagahapon sa hapon didtong dapita sa 4PM Loding House, nga nahimutang sa Purok Sampaguita, Brgy. San Pedro ning syudad sa Pagadian.
Wala na makalugnot ang target nga si Abdullah Mulok Itabuan , residente saBrgy. Dao ning syudad og nakuha sa iyang posisyon ang usa ka pakete sa gitoohang shabu ug P500 nga buy bust money.
Ang mga ebidensya nga nakuha anaa na karon sa Provincial Crime Laboratory ug gikatakda usab nga ipa-ilalom sa drug test ang dinakapan.
