General Santos City—Dead on Arrival sa Ospital ang usa ka Jay-ar Zata, 18 anyos nga taga Barangay Lun Padido, Malapatan, Sarangani Province human gidunggab sa grupo sa mga batan-on niadotng nakalabayng adlaw.
Base sa report nga nahipos sa Police Station 1, padulong unta ang biktima sa usa ka tindahan ug arozcaldo uban sa iyang mga amigo apan pag abot sa Casquejo Street, Barangay East, Gensan ilang nasugatan matud pa ang grupo sa mga batan-on diin sila gitripan nga misangko sa rumble.
Didto nadunggaban ang biktima igo sa iyang dunghan, nakadagan pa kini padulong sa Purok Laurel East, apan didto na kini nahagba.
Pag responde sa kapulisan ila dayong gidala sa ospital ang biktima apan patay na kining nakaabot sa balay tambalanan.
Sa karon nagpadayon ang gihimong imbistigasyon sa kapulisan kalabutan sa insidenti.
