General Santos City—laing pusher ang nasikop sa Police Station 5, atol sa ilang gihimong Operasyon alas 11:45 ang takna kagabie sa may Purok Cahilsot, Barangay Calumpang Gensan.
Suspek giilang si Felix Hechavez, 18, residenti sa Purok Oblipas, Barangay Calumpang ning syudad.
Nasayran nga napalitan ang nahisgutang suspek ug (1) ka sachet sa gituohang Shabu gamit ang P500.00 nga marked money.
Sumala ni Police Sr. Inspector Davis Vincent Dulawan, Hepe sa Police Station 5 nga kanhi nang nag surface sa Tambler PNP ang nasangpit nga suspek apan pila ka bulan ang nakalabay, subli kining mibalik sa iligal niining aktibidad.
Sa karon ang suspetsado balhog na sa silda sa Police Station 5 ug gikatakda sab kining pasakaan ug kasong kalapasan sa R.A 9165.
Facebook Comments
