Patay ang 18-anyos matapos nga nalumos sa irrigation canal sa Prk. Masagana, Brgy. Ambalgan, Sto. Niño, South Cotabato.
Ginkilala ang biktima kay Richel Mae Baylon Lacuesta , 18-anyos kag residente sang Prk. Masagana, Brgy. Ambalgan, Sto. Niño, South Cotabato.
Base sa imbestigasyon sang Sto. Niño MPS, alas 05:50 sang aga sang Oktubre 30, ang biktima ang nakit-an nga wala na sang kabuhi nga nagalutaw sa irigasyon.
Suno sa iloy sang biktima wala niya nadiparahan nga naggwa ang iya nga bata kag naglakat sa kawayan nga tulay sa nasambit nga irrigation canal sa diin nadanlog kag nahulog sa tubig.
Nakit-an naman ang bangkay sang biktima sa kalayuon nga 20 metros halin sa kawayan nga tulay sa diin ini nahulog.
Gindala pa sa ospital ang biktima, apang gindeklarar nga dead on arrival sang attending physician.
Nahibaluan nga ang biktima ang may-yara sang epilepsy.
