*Nagpahimangno karon sa Bureau of Fire Protection kon BFP sa publiko kalabot sa mga ginadili nga klase sa firecrackers.*
*Sa interview sa RMN ngadto kang Malaybalay City Fire Marshal Senior Inspector Lyod Villaroya, gibutyag niini nga adunay executive order nga gipirmahan si Pangulong Rodrigo Duterte kalabot sa mga bawal nga mga firecrackers.*
*Aminado ang BFP nga nahimo nang tradisyon ug dili gayod malikayan adunay mugamit sa paboto ilabina sa pagsugat sa bag-ong tuig.*
*Matud ni Villaroya nga adunay mga paboto nga gibawal subay sa mao nga executive order.*
*Nakalatid usab sa mao nga kamanduan nga bawal ang mga nag-edad ug 18 anyos paubos nga mupalit ug mugamit ug fire crackers ug pyrotechnics devices.*
*Giklaro usab ni Villaroya nga wala gibawal hinoon igo lamang gi-regulate ang paggamit ug pagbaligya sa mga firecrackers tungod sa daghang nabiktima niini sa nakalabay nga mga tuig atol sa pagsugat sa bag-ong tuig.*
*Sa karon nakatakdang mupagawas ang BFP ug listahan sa mga pabuto nga gidili ug gitugutan ug aha pwede magpaboto ug aha ang gibawal.*
