General Santos City–Nagtingkagol karon sa Police Station 4 ang usa ka Ian Ceazar Delasan, 18 anyos, estudyante sa Sr. High nga nanimuyo sa Prk. 2 Sto Nino, Barangay Apopong ning syudad human nga gireklamo kini sa usa ka 17 anyos nga nga si alyas Cherry tungod sa pagpanghilabot kaniya alas 3:00 ang takna sa kaadlawon sa Manasala Subd. Barangay San Isidro ning syudad.
Sumala pa ni PSI Davis Dulawan nga gidala matud pa sa mga barkada ug classmate sa 17 anyos nga biktima ang suspect sa Police Station tungod kay samtang natulog matud pa sila tungod usab sa kahubog gihilabtan matud pa sa suspect ang biktima.
Dugang pa ni PSI Dulawan nga ayha matud pa nahitabo ang maong pagpanglugos ang biktimsa ug ang iyang mga klasmate ang nagpahigayon matud pa ug research project sa maong lugar ug gihagad matud pa sa suspect ang mga nasangpit nga mag inom.
Sa dihang nangahubog na matud pa sila didto na gibuhat sa suspect ang iyang plano kung diin nasakpan man usab kini sa ilang mga kauban sa balay hinungdan nga gidala sa prisento sa Police Station 4
Mag atubang ug kasong rape by sexual assault ug giandam na karon sa kapulisan ang kaso batok sa suspect.
