Nitahan ang 117 ka mga miyembro ug tag-suporta sa New People’s Army (NPA) sa lungsod sa Cabanglasan, Bukidnon.
Sa interview sa RMN ngadto kang Cpt. Norman Tagros, ang civil military operations ug spokesperson gibutyag ninii nga gipahigayon ang Mass Surrender Ceremony sa Sitio Mainaga, Barangay Iba, lungsod sa Cabanglasan kaniadtong Martes sa buntag.
Sa maong nag-surrender, 20 niini mga miyembro sa CPP-NPA militia ng bayan samtang 97 niii mga Sangay ng Partido sa Lokalidad ug underground mass organizations sa CPP-NPA-NDF.
Matud ni Tagros nga gitahan usab niini ang 18 ka nagadaiyang kalibre sa armas sama sa granada, shotgun, uzi, KG9, carbine, ak47, caliber .45, tulo ka pambusikad ug detonating cord.
Sa wala pa nagsugod ang mubo nga programa, nagritwal una ang komunidad isip simbolo sa ilang sinseridad nga misuporta sa programa sa gobyerno alang sa kalinaw ug kalambuan.
Matud ni Cpt. Tagros nga napul-an ug gikapoy na matud pa ang maong mga nitahan sa walay puas nga pagpanghadlok ug pagpaningil sa revolutionary tax sa NPA sa ilaha.
Nagpasalig usab ang lokal nga gobyerno nga hatagan sila sa panginabuhian ug tabang-pinansiyal aron magamit nila sa kilang pagsugod sa bag-ong kinabuhi.
