Sultan Kudarat—mukabat sa 18 ka mga miyembro sa New People’s Army gikan sa kabukirang bahin sa Senator Ninoy Aquino , Sultan Kudarat anhg misurender sa tropa sa militar niadtong nakalabayng adlaw.
Ang mga nahisgutan ang mitahan pinaagi na usab sa ilang mga opisyal sa Barangay kansa maoy mitabang kanila aron makapadool sa 33rd Infantry Battalion, Philippine Army ug sa ilang mayor sa lungsod sa Sen. Ninoy Aquino.
Nasayran nga tumong sa pagsurender sa mga nahisgutan bitbit ang ilang armas gumikan sa kahadlok nga mapatay sa sunod sunod nga operasyon sa kasundaluhan batok sa NPA diha ka kabukiran.
Usab kanila nag sulti nga dili na nila maagwanta ang magsige ug tago-tago diha sa kabukiran ug labaw sa tanan dili nila maagwanta ang gutom ingon man ang ilang kakapoy. Gikadismaya usab nila ang dili pagtuman sa pamunuan sa NPA sa ilang saad ngadto kanila nga hatagan sila ug binulang sweldo ug suporta sa ilang pamilya.
Sa karon anaa na ang mga nahisgutan sa kustudiya sa 33rd Infantry Battalion ug gikatakda usab silang ipresentar sa media. Samtang ginavalidate pa sa militar kung tinuod ba gyud nga mga lihitimong miyembro sa NPA ang mga nasangpit, higayon nga kini makumperma makadawat ang mga naasoyng NPA surenderee ug binipisyo gikan sa gobyerno.
