Naglab-ot sa 18 ang pilason sa nagluntad nga pagsigabong sang Improvised Explosive Device ukon IED sa New Carlitos Restaurant sa Isulan, Sultan kudarat pasado alas 3:00 sang hapon kahapon nga adlaw.
Ginkumpirmar ni Police Lt. Col. Junie Buenacosa, Chief of Police sang Isulan PNP nga halos sa mga biktima ang nakaangkon sang minor injuries nga gindala sa mga nagkalain-lain nga ospital.
Extortion naman ang isa sa ginalantaw nga motibo sang PNP sa nasambit nga pagpasigabong, matapos nga gin-ako sang tag-iya nga may-yara na sila sang nabaton nga pagpamahog bag-o pa man nagluntad ang insidente.
Sa subong nagapadayon pa ang imbestigasyon sang kapolisan sa insidente kag ginareview nila ang kuha sang CCTV sa lugar matapos nga nagkaon pa ang mga suspek sa nasambit nga restaurant.
May-angot sini, mas pa nga ginpahugtan ang ginapatuman nga seguridad sa banwa tungod sa nasambit nga insidente.
Apela naman sini sa katawhan nga kon may makaduluda nga butang nga ginbilin ang gilayon nga magreport sa mga utoridad.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
