General Santos City—Mukabat ngadto sa 1, 800 ka mga pulis ang ipangdeploy sa syudad sa Gensan Dungan sa selebrasyon sa Tuna festival 2018.
Ang maong mga pulis gilangkuban sa GSCPO, Maritime, Coast Guard, og uban pang support unit gikan sa PRO 12. Samtang anaa usab ang pwersa sa AFP partikular na ang joint task force Gensan ug mga sundalo gikan sa 1002nd brigade.
Sila ipakatag sa tibuok syudad kansa maoy mubantay sa seguridad sa katawhan.Mas daghang pulis ang ibutang sa Oval Plaza kansa maoy sentro sa selebrasyon.
Usa sa mga gidid-an nga makasulod sa Oval Plaza mao ang back pack, mga armas ug uban nga mahait nga butang sulod.
Gipahimangnuan usab sa kapulisan ang katawhan nga bawal ang mga hubog sulod sa Oval Plaza ug labaw sa tanan bawal sab ang sigarilyo subay sa Ordinance no. 6 sa Gensan o pagdili sa pagpanigarilyo sa mga pampublikong lugar.
