182 ka mga kapitan giaghat nga mutabang sa pagsolbad sa nagkagrabeng problema sa basura sa Davao

Davao City- Gitagbo sa lokal nga panggamhanan sa Davao ang 182 kamga Kapitan uban ang ilahang mga Kagawads nga chair sa committee on environment sa ilahang mga Barangays sa gipahigayong Davao City Solid Waste and Management Summit 2023 karong adlawa, Martes, Disyembre 12, 2023.

Sumala ni Councilor Tek Ocampo, SP Chairman on Environment, nagkagrabe na ang problema sa basura busa giimbitahan ang tanang kapitan nga mutabang sa pagsolbad ug mahimong parte sa hinanaling solusyon niini.

Samtang, Gibutyag ni Engr. Marivic Reyes, Davao City Environment and Natural Resources Office (CENRO) OIC, sunod tuig 2024 kinahanglan na nga pakusgan ang implementasyon sa pag-segregate sa mga basura sa syudad.

Gitahasan sa CENRO ang mga kapitan nga magorganisa og Barangay Ecological Solid Waste Management Committee aron masegurong ang compliance sa segregation collection ug management sa biodegradable and recyclable nga mga waste o basura sa mga barangays.

Kihanglang mag-balay-balay ang mga opisyales sa barangays sa pagpahibalo sa mga tawo sa pagtuman sa saktong segregration sa mga basura.

Sumala ni Reyes, ang dili saktong segregation maoy hinungdan sa pagbara sa mga kanal, maghatag og balatian.

Pinaagi usab sa proper waste segregation gamay na lang ang mga basura ang mabutang sa sanitary landfill dinhi sa syudad.

RadyoMaN Aimee Guinita