General Santos City—Mokabat ngadto sa 185 ka mga police ang ideploy sa Gensan City Police Office ngadto sa Oval Plaza dungan sa kasaulugan sa Pasko sa Gensan.
Sumala ni Police Supt. Lauro Espida,nga mando sa ilang labaw sa kapulisan sa Gensan nga si Police Sr. Supt. Romeo Ruel Berango nga mas palig-unon pa ang seguridad nga ipatuman sa oval plaza atol sa paskohan sa Gensan aron malikayan ang mga kakulian.
Sama sa naandan na, bawal gihapon nga makasulod sa oval plaza bagpack, mga hinagiban hilabi na ang pusil.
Aduna matud pay mag-inspection nga mga personahe sa kapulisan inubanan sa uban pang Force multipliers sa entrance sa Oval Plaza.
Samtang nanghimangno usab si Espida sa mga gapanigarilyo nga pugngan gyud ang ilang kaugalingon sa pagpanigarilyo sa maong lugar tungod sila sa kapulisan manakop gyud sa mga maglapas niini subay na usab sa gipatumang ordinansa sa syudad nga bawal ang manigarilyo sa mga pampublikong lugar.
Kung kahibaloan nga pormal nga ablihan ang selebrasyon sa Disyembre 9, kon diin himoon ang pagpasiga sa mga kahoy palibot sa Oval Plaza kon ang Light A Tree.
Ang tema sa kasaulugan karong tuiga mao ang ” MAKULAY, MAPAYAPA, at MASAYA: Pasko sa Gensan hatid ay pag-asa” kon diin nakasentro ang selebrasyon sa panaghiusa alang sa kalinaw sa syudad, isla sa Mindanao, bisan pa man sa naagiang pagsulay sama sa nahitabo nga gyera sa Marawi City.
