Davao City – Mokabat sa 186 na ka mga Locally Stranded Individuals ang naharang sa checkpoints sa Task Force Davao gikan Hulyo 20 hangtod Hulyo 30, 2020.
Sumala ni Task Force Davao Commander Col. Consolito Yecla, 16 niini naggikan sa Laguindingan Airport, Cagayan de Oro, samtang ang 170 nibiyahe by land gikan sa Manila.
Gibutyag ni Yecla, 94 ka mga LSI ang ilang gitabangan aron ipa-swab test ug 92 ang giubanan nila hangtod sa exit points sa Davao.
“We just make sure that base sa instruction ni mayor lahat ng mga LSIs na papasok sa Davao City will be properly swab. Actually ang ginahimo nato ug sa City kay tabang na sa ilaha na pag musulod sila sa Davao City muuli sila sa ilahang pamilya para maproteksyunan ang pamilya nila ug other relatives,” sumala ni Yecla
Subay niini, gihugtan sa kasundalohan ang seguridad ug pagsusi sa mga mosulod sa Davao aron masigurong dili makalusot ang posibleng mga carriers sa COVID-19.
RadyoMaN Aimee Guinita
