*General Santos City— Gipaklaro ni South Cotabato Governor Reynaldo Tamayo Jr. Nga handtud sa karon wala pay kumpirmadong kaso sa COVID-19 sa probinsya apan adunay ubay-ubay nga mga patient under investigation ug person under monitoring.*
*Subay matud pa sa datus sa Provincial Epidemiology Surveillance Unit kon PESU, adunay usa ka PUI ang namatay sulod sa balay tambalan.*
*Sa karon matud pa, padayon pa nilang ginahulat ang resulta sa swab sa nasangpit nga PUI nga naunang gisubmitar sa RITM sa kauluhan.*
*Gi-angkon man usba ni Governor Tamayo nga sa karon adunay 18 ka mga doktor, 13 ang gikan sa probinsya samtang lima ang gikan sa mga proibadong hospital ang gipa-ilalom sa quarantine.*
*Ang mga nsangpit ang adunay direktang exposure sa PUI nga namatay, ug pinaagi sa lockdown nga ginapatuman sa probinsya, dili na madugangan pa ang ihap sa mga pui.*
*Gumikan kung iyahang tugutan nga mugawas-sulod ang bisan kins sa South Cotabato, iyahag gikabalak-an nga mahurot ang mga doktor gumikan sa quarantine ug wala nay mu-atiman sa tanang pasyentye, PUI man o bisan na ang mga adunay ordinaryong sakit.*
