General Santos City—samdan ang usa ka 19 anyos human nga natripan sa mga miyembro sa Children in Conflict With The Law (CICL) o mas nailhan sa tawag nga “SUKARAP” sa may Purok. Matinabangon, Barangay Labangan, Gensan.
Ang bitkima nailhang si Romnick Beronia, 19, residenti sa samang lugar. Alas 3:30 ang takna sa hapon, samtang ang biktima nagluto sa iyang baligya nga barbeque kalit lang miagi matud pa ang grupo sa mga “SUKARAP” dayon gibunalan ug bato ang biktima pila ka higayon hinungdan nga kini nagkadugo.
Paspas nga misibat ang mga suspek human sa insidenti samtang ang biktima gidala sa iyang amahan as Mindanao Medical Center.
Sumala sa amahan sa biktima nga igo rang namaligya ug Barbeque ang iyang anak ug wala siya nag apil-apil sa unsa mang grupo ug wala usab kini atraso sa ilang lugar.
Posibling natripan lang sa mga SUKARAP ang iyang anak. Sa karon padayon pa ang gihimong imbistigasyon sa kapulisan kalabutan sa insidenti, samtang ang biktima pabilin pa sa ospital ug nagpaalim nalang sa iyang samad nga naangkon.
