General Santos City—patay ang usa ka lalaki human nabanggaan ug Prime Mover sa National Higway, Malandag, Malungon, Sarangani Province alas 7:00 ang takna sa gabie niadtong nakalabayng adlaw.
Ang biktima nailhang si Roy Balbero, legal age, residenti sa Barangay Malandag, sa samang lungsod.
Sa inisyal nga imbistigasyon sa Malungon Municipal Police Station nasuta nga mitabok sa kalsada ang nahisgutang biktima.
Uwahi na niya nabantayan ang naghaguros nga prime mover nga nagdagan sa highway nga bahin hinungdan nga siya nabangaan.
Nakaangkon ug grabeng samad sa ulo ingon man sa uban pang parti sa kalawasan ang biktima nga nahimong hinungdan sa kamatayon niini.
Gilayon usab nga gikustudiya sa kapulisan ang driver sa prime mover nga si Misias Lauron nga taga Panabo City.
Sa kasamtangan padayon ang gihimong imbistigasyon sa kapulisan sa Malungon kalabutan sa insidenti samtang ginahuwat nalang ang desisyon sa pamilya sa biktima kung ila bang pasakaan ug kaso ang driver sa sakyanan nga nakabangga patay sa biktima.
