BACOLOD CITY – (UPDATE) Tubtub sa karon padayon pa ang kakulba nga ginabatyag sang isa ka dalaga matapos ini gintuyo nga himuslan sang isa ka lalaki nga nakilala kay Santino nga iya man lamang kaingud balay sa isa ka barangay diri sa ciudad sang Bacolod kahapon sang kaagahon.
Ang biktima, isa ka 19-anyos nga dalagita, estudyante kag nagapart-time sa call center kon diin suno sa iya nga kahapon sang kaagahon samtang ini siya ang nagakatulog sa iya kwarto, nakibot ini nga sa iya pagbugtaw ara na sa iya tupad ang suspek nga lalaki.
Sa interview sang dyHB sa biktima nga nakibot siya nga ang kamot nya nagauyat na sang kinatawo sang suspek samtang nagamasturbate naman si Santino.
Gilayon nga nagsinggit ang biktima kag nagpangayo sang bulig gani nakabugtaw ang iya amay, apang madasig naman nga nagpalagyo ang suspek.
Nagapati ang biktima nga tuyo gid siya nga luguson sang amo nga lalaki bangud iya nakita nga naga-luslos na ang short sini kag nagsiling pa nga naka notice na siya nga madugay na ini nga “type” ukon kursunada sang amo nga suspek.
Classmate nya sang high school kag naobserbahan nya masakit ang sa iya kag nagadulot ang panan-awan sa tiin nga ini sila ang magsumalangay.
Indi man ini kaisa ka bes nga may ara sang ginsaka ang suspek nga si Santino sa ila nga lugar.
Magapasaka gid sang kaso ang biktima apisar nga ang lalaki ang wala na sa ila barangay. /DYHB NEWSROOM
