BACOLOD CITY – (UPDATE) Padayon karon nga ginapangita sang mga utoridad ang isa ka hold-up suspek nga upod sang isa ka lalaki nga natiruhan kahapon sang udto sang isa ka pulis sa Brgy. 35, ciudad sang Bacolod.
Ang biktima nga natiruhan ginkilala kay Philip Dellomo, 22 anyos, soltero kag pumuluyo sang Cameroli, Brgy. 35, samtang nakilala naman ang iya upod nga pakaisa iya man pakaisa kag at large nga amo si Michael Tugon.
Suno kay Police Station 1 commader, PC/Insp. Jovil Sedel nga si Dellomo kag Tugon ang lunsay mga suspek sa pagpanghold-up sang isa ka turko nga nagapa-utang sang nagligad nga Huwebes.
Kahapon sang buot nga dakpon sang mga operatiba sang PS1 ang mga suspek, nagbato si Dellomo kon diin gintuyo pa niya nga agawon ang service firearm sang pulis rason nga ini ang natiruhan kag naigo sa iya tiil.
Gindala sa ospital ang biktima samtang ang padayon nga at large si Tugon. Nahibaluan nga si Tugon ang may kaso man gali nga frustrated murder kag robbery sa Police Station 6./DYHB NEWSROOM
