19 anyos nga lalaki naghikog patay human giingong gibulagan sa iyang uyab

Usa ka patayng lawas sa 19 anyos nga lalaki ang nakit-an sa kwarto niini alas 4 kapin kun kulang ang takna sa buntag kagahapong adlawa sa may Purok 8-A Barangay Tambacan ning syudad sa Iligan.

Ang biktima, nga usa ka construction worker,  nadiskubrehang wala nay kinabuhi sulod sa kwarto nga gituohang naghikog pinaagi sa paghigot sa nylon nga pisi.

Matud sa igsuon sa biktima, nga alas 4 sa kadlawon samtang paingon siya sa banyo, iyang namatikdan nga siga ang suga sa kwarto sa iyang igsuon. Sa iyang pagsulod, iya na lang nakita ang iyang igsuon nga nagbitay sa trusses sa iyang kwarto. Dali niyang gipahibalo ang iyang inahan ug bana labot sa panghitabo. Paghidangat sa kapulisan, anaa na sa salog ang patayng lawas sa biktima.


Matud sa pamilya, nga sa wala pa ang maong insidente, nag inom pa ang biktima gumikan kay nagbulag kini sa iyang hinigugma. Midesisyon  usab ang pamilya niini nga dili na mag request ug imbestigasyon sa SOCO.

Ang patayng lawas sa biktima ang gidala sa  usa sa punerarya dinhi sa dakbayan sa Iligan.

Facebook Comments