General Santos City–Dako ang pagmahay nga gibati karon sa usa ka 19 anyos nga si Arjay Flores Monicillo nga nanimuyo sa Prk. Pag Asa, Barangay Mabuhay ning syudad human nga gisikop kini sa kapulisan tungod kay gimauyan niini ang iyahang amahan ug misukol pa gyud sa kapulisan.
Sumala pa ni Arjay nga nagmaoy lang matud pa siya sa maong higayon tungod kay hubog kini ug dugay giabrihan sa ilang panimalay, apan hugot nga nanghimakak nga misukol kini sa mga miresponde nga police.
Sumala pa niini nga nagunitan lang matud pa niya ang armas sa police human nga gialsa kini sa mga nasangpit aron nga dal-on sa presento ug dili matud pa niya intension nga ilugon kini.
Nangayo man usab ug pasaylo sa iyahang amahan nga si Ariel Monacillo ang suspect ug mikanayon nga dili na kini usabon ingon man mihangyo sa pulis nga midakop kaniya nga pasayluon kini.
Nasayran nga napasakaan na ug kasong direct assault ang suspect sa kapulisan gahapon sa buntag.(Dave Silagan)
