South Cotabato— Patay ang usa ka 19-anyos nga babaye human kining gidunggab sa iyang live-in partner, alas—11:00 sa gabie sa may Barangay Zone 4, Koronadal City.
Giila ang biktima nga si Alysa Danica Basa, 19, gasoline service crew ug residente sa Triniville, Block 4, Koronadal City.
Giila usab ang suspetsadong live-in partner niini nga si Eduardo Senit, hingkod ang pang-edaron, usa ka auto mechanic ug residente sa Bishop Palace, Barangay Paraiso, Koronadal City.
Basi sa inisyal nga imbistigasyon sa kpulisan nasuta nga ayha ang krime naglalis ang duruha nga misangko sa pagpanunggab.
Nakaangkon ug daghang samad sa nagkandaiyang parti sa lawas ang biktima nga hinungdan sa iyang kamatayon. Samtang ang suspek nakasibat human sa gihimong krimen.
Sa karon nagpadayon pa ang gihimong imbistigasyon bahin sa maong insidenti.
