19 ka mga miyembro ka NPA pnibag-o nga nagsurender dire sa probinsya sang South Cotabato.

Ginpresentar kahapon nga adlaw ni P/Col. Jemuel Siason, Police Provincial Director sang South Cotabato Police Provincial Office kay Governor Reynaldo Tamayo Jr. kag mga katapo sang media ang 19 ka mga miyembro sang New People’s Army ukon NPA nga nagsurender sa PNP.
Tatlo naman sa mga ini ang babaye nga ang papel ang community organizing kag recruitment.
Sa 19 nga nagsurender nga NPA, 7 ang halin sa guerrilla 73, 11 naman ang halin sa front 53 kag 1 sa front 56 sang Far South Mindanao Regional Committee nga nagaoperate sa probinsya sang South Cotabato, North Cotabato kag Saranggani.
Lakip man sa ginsurender sang mga ini ang bitbit nga armas luthang nga ginalakipan sang armalite kag iban pa.
Suno kay Police Col. Siason nga ang rason sa pagsurender sang mga miyembro sang NPA dire sa probinsya ang tungod seryoso ang ginahatag nga suporta sang provincial government sang South Cotabato sa mga former rebels, programa sang subong nga admnistrasyon, kabudlay sang kabuhi sa kabukiran kag iban pa.

Facebook Comments