Ginaaligar nga biktima sang food poisoning ang yara sa 19 ka mga residente sang Brgy. Takunel sa banwa sang Lake Sebu, South Cotabato.
Ginatudlo sang mga ini nga tungod sa nakaon nga bihon sa pista ang rason suno pa sang paglain sang tiyan sang mga biktima.
Base sa inisyal nga impormasyon nga ginpalab-ot ni Dr. Rogelio Aturdido Jr., Provincial Health Officer sang South Cotabato gilayon nga gindala sa Lake Sebu Municipal Hospital ang mga biktima.
Kadam-an naman suno pa sang mga biktima ang mga kabataan.
Gilayon naman nga nahatagan sang medikasyon ang mga biktima kag padayon nga ginamonitor ang sitwasyon sang mga ini sa subong.
Facebook Comments
