19 PDL ya completa na ALS

Dies-y-nueve maga Persons Deprived of the Law (PDL)desde na City Jail ya gradua na Alternative Learning System ALS del Webes tarde.
Este el primer vez na historiya del City Jail donde el mismo jail warden si Chief Insp. Nathanel Aljas junto el Department of Education y Zamboanga City High School Main ya inicia el mencionao programa para dale oportunidad para hace acaba el high school con el maga qualificao PDLs.
Asegun con Aljas, 23 maga PDLs ya saca el entrance exam pero el 4 nohay pasa.
Asegun con el DepEd el 19 maga PDLs ay puede ya man enroll na collegio el momento estos ay libra ya. Mientrastanto si Consejal BG Guingona el wespe de honor durante el program ya dale tambien mensaje de inspiracion con el maga ya gradua na ALS y lo mismo con el otro quien adentro del jail para no perde el esperanza na vida amediante ya comete estos herror na vida.
Fuera con el maga hombre PDLs tiene tambien maga mojer PDLs el completa tambien con el mencionao systema de educacion.

Facebook Comments