Pagadian City, Zamboanga del Sur——Karong adlawa Agosto 17, 2017 handumon sa dakbayan sa Pagadian ang nahitabong Tsunami ug linog nga nahitabo sa siyudad nga gikamatay sa daghang mga katawhan.
Alas 8:30 sa buntag pagahimoon sab ang Simulation Exercises (SIMEX) sa dakbayan pinaagi sa pag-abli sa usa ka programa atubangan sa C3 mall ning dakbayan nga kabahin kini sa pagpangandam sa katawhan ug sa gobyerno higayon nga subling mahitabo ang usa ka kusog nga linog ug tsunami sama sa nahitabo niadtong 1918 ug 1976 diin moabot sa 5 mil ngadto na sa 8 mil ang nangamatay ug daghan usab ang nangawala.
Sa pamahayag ni Angelito Casinillo, Admin Chief sa Office of Civil Defense Region 9 nga mahinundanon ang pagahimoong SIMEX karong adlawa dungan sa Commemoration sa nahitabong kalamidad sa siyudad aron makahibalo matud pa ang katawhan unsay angayang buhaton higayon nga mahitabo ang linog ug Tsunami.
Apilan sa mga coastal Barangay ang SIMEX karong adlawa nga langkuban sa Barangay Whitebeach, Santa Lucia, Kawit, Santiago ug Dumagoc diin alas 8:30 sa buntag patingogon ang siren aron pormal nga pagasugdan ang drill diin salmotan sab kini sa PNP, CDRRMO, Recross, tanang mga hospital sa dakbayan, City Traffic, Philippine Army, Airforce, Coastguard, PNP Maritime, ug ingon man ang mga sakop sa Media. (Mel Coronel/dxpr News team
