General Santos City— Nagmalampuson ang gipahigayong lauching sa Budayaw Festival kagahapong adlawa. Kini ang pinaka-unang higayon kung asa himuon ang Festival nga salmutan sa Brunei Darussalam, Indonesia, Malaysi ug Pilipinas kung asa Gensan maoy napilian nga mamahimong host tungod kini mao ang sentro sa Rehiyon 12.
Sumala ni Dave Areglado, representante sa City Mayor’s Office nga ang maong aktibidad ang pormal nga magsugod sa Setyembre 20 pinaage sa managlahing mga exhibit sa tulo ka mga dagkong mall sa dakbayan. Todo usab ang pagpangandaman sa lokal nga panggamhanan sa Gensan unang gibutyag ni Gensan Mayor Ronnel Rivera nga buot nilang mamahimong magmalampuson ang pinakaunang Budayaw Festival.
Kaabag sa LGU General Santos ang LGU Sarangani Province ug South Cotabato ingon man ang Department of Tourism, nasyunal nga panggamhanan sa Malaysia, Indonesia ug Brunei Darussalam..
