Mandatory COVID-19 testing sa mga unvaccinated on-site workers, ipapatupad na bukas

124

Epektibo na bukas, December 1, ang pagpapatupad ng mandatory COVID-19 testing sa lahat ng mga on-site workers sa buong bansa.

Batay sa guidelines, kailangang sumalang sa RT-PCR test isang beses kada dalawang linggo ang mga manggagawang nais nang bumalik sa trabaho pero ayaw magpabakuna.

Ang gastos para sa pagpapa-test ay sasagutin mismo ng mga empleyado.


Iiral naman ang “no work, no pay” rule sa mga unvaccinated employees na required magtrabaho on-site pero tumatangging sumailalim sa mandatory COVID-19 test.

Habang ang mga partially vaccinated employees ay papayagan nang pumasok on-site na hindi kinakailangang sumalang sa regular RT-PCR testing.

Ayon kay Presidential Adviser for Entrepneurship Joey Concepcion, layon nitong maprotektahan ang mga empleyado at mga negosyo laban sa COVID-19 lalo ngayon na may banta na naman ng panibagong variant.



Facebook Comments