1st batch sa COVID vaccine gilaumang muabot karong February 20

30

Davao City – Posibleng muabot na sa February 20 ning tuiga ang unang batch sa COVID vaccine nga gihatag sa COVAX facility.

Kini ang update ni Department of Health kun DOH Dr. Undersecretary Leopoldo Vega atol sa interview sa DXDC RMN Davao.


Sumala ni Vega, ang maong vaccine naggikan sa Pfizer ug mao kini ang unang i-roll out sa health workers/frontliners.

“Padayon na (Emergency Use Authorization sa Pfizer). Karon ganing February 20, muabotay na ang 1st batch nga gihatag sa (COVAX) facility, kanang vaccine gikan sa Pfizer ug muhatag dinhi sa Pilipinas. Mao nang unang i-roll out sa health workers o frontliners ,” segun ni Vega.

Samtang sa kabalaka sa side effects sa maong vaccine, giingon sa doctor nga daghan karon ang nagapanggawas nga misinformation bahin sa vaccination busa angay kini bantayan gani segun niini nga daghan ang misiaw nga ‘anti-vaxxers’ apan magpadayon gihapon ang vaccination program gumikan pamaagi kini aron mapugngan ang infectious diseases sama sa COVID-19.

“Ang vaccine padayon gyud na, daghan man gud misinformation karon… daghan man gud ‘anti-vaxxers’… Para sa amoa, kinahanglan na mabakunahan kay this is a way of preventing lalo na mga infectious sama sa COVID-19,” dugang ni Doctor Vega.




Dugang ni USEC Vega, mas maayo usab og una sa vaccination si President Rodrigo Duterte ug ang ubang opisyales sa gobyerno aron mabalik ang ‘vaccine confidence’ sa mga pinoy.

RadyoMaN Renz Barbarona

Facebook Comments