Davao City – Gidagsa ang buhatan Comission on Elections (COMELEC) karong adlawa, Enero 20, 2020 o ang unang adlaw sa voter’s registration nga mulungtad hangtud pa sa September 30, 2021.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, sayo pa lang sa buntag, gidugok na sa tao ang opisina alang sa pagparehistro o kaha pagpa proseso isip preparasyon sa May 2022 national ug local elections.
“Daghan pud ang nag-adto sa atong opisina on the first day. Mga around 6 or 7am nagsugod nang dagsa ang mga tao pero manageable naman,” saysay ni Caballero.
Segun ni Caballero nga andam nga mo-proseso ang opisina alang sa mga new registrants, magpa transfer, corrections ug alang sa mag update sa ilang records.
Samtang, giklaro sa COMELEC-XI spokesperson nga kadtong mga registered voters niadtong May 13, 2019 midterm elections dili na kinahanglang mo-apply pag-usab.
RadyoMaN Kirby Manzon
