Davao City – Sakripisyo ug pag ampo ang sekreto sa unang pagdaog sa usa ka atleta nga gikan sa Davao del Sur nga misalmot sa Davao Region Athletic Association (DAVRAA) Meet 2018.
Kini ang giingon sa head coach sa Javelin Throw sa Davao del Sur nga si Kenny Warren sa dihang nahinabi siya ni RadyoMaN Erin Lumosbog diin sa unang pagsalang pa lang sa iyang atleta sa DAVRAA, midaog dayon kini ug nakakuha og gold medal sa maong event nga giilang si Jessa Mae Nawal, 12 anyos.
Matud pa sa head coach nga nahibalo na siya daan nga dunay maayong abilididad ang maong atleta ug follow up training ang iyang gibuhat aron mahanas o mahimong eksperto si Nawal sa nasangpit nga event.
Bisan pa man naulaw ang 12 anyos nga atleta sa dihang giinterview kini, usa ang migawas nga pulong niini gikan sa iyang baba nga mao ang nalipay siya sa iyang nakab-ot.
Ang maong atleta muarangkada na sa Palarong Pambansa 2018.
RadyoMaN Renz Barbarona
