Siocon- Blanko pa gipahon ang kapulisan sa Siocon may kalabutan sa nahitabong pagpamusil niadtong adlawng martes mga 2:20PM didto sa Sitio Marang-Marang, Brgy. Sta. Maria, sakop samaong lungsod.
Ang biktima mao si Hamza Pawa Daiz, 65 anyos, menyo, brgy. Kagawad sa brgy. Balagunan Siocon.
Ang maong biktima gipusil patay kini sa wala mailang suspetsado ginamit ang kalibre 45 ug 9mm base nausab sa nakuha nga basyo ug bala sa aramas de fuego. Human sa panghitabo dali usab kini nga misibat sa wala masayring direksyon.
Subay sa kapulisan sa maong lungsod nga kung diin ang biktima gipusil kini sa wala mailang suspek didto sa baybayon sa nahisgutan nga lugar samtang nagpintal kini sa iyang pump boat.
Nakuha sa lugar nahitaboan ang usa ka basyo sa kalibre 9mm ug tulo ka bala sa kalibre 45.
Ang biktima nakaangkon ug upat ka samad pinusilan sa luyong bahin sa iyang likod nga miresulta sa wala niya damhang kamatayon.
Padayon usab ang ginahimong follow-up investigation sa kapulisan sa maong lungsod aron masayran kun unsay nagpaluyong motibo sa maong pagpamusil.
