Nasunog ang commercial establishment sa Paco, Maynila Sabado ng gabi.
Sa ulat ng Bureau of Fire Protection (BFP), nag-umpisa ang sunog bandang alas-8 ng gabi.
Mabilis na kumalat ang apoy kaya agad na idineklara sa first alarm 8:04PM at iniakyat sa second alarm 8:10PM.
Itinaas ng BFP ang sunog sa 5th alarm pagsapit ng 8:38PM kung saan nasa 20 bumbero ang rumesponde.
Idineklara ng BFP na fire out pagsapit ng 1:28 ng madaling araw.
Nadamay sa sunog ang gusali ng Paco Catholic School pero nakaligtas naman ang katabing simbahan.
Samantala, pasado alas-11 naman ng gabi nang magkasunog din sa bahagi ng Philippine General Hospital (PGH).
Agad nakontrol ang sunog at tuluyang naapula bandang 11:38 ng gabi.
Facebook Comments
