Davao City – Gipangunahan sa Kibalawan PNP ang ceremonial burning sa mga gipanglukat nga punuan sa marijuana kansang nadiskubrehan sa mga otoridad nga gitanom sa Sitio Nukit Bato, Brgy. Kimlawis, Kiblawan Davao del Sur.
Gibana bana nga mukantidad sa 2.4 milyon ang mga punuan sa marijuana nga tinanom sa suspek nga ginganlan og Erick Diangga.
Apan napakyas ang joint raiding team sa PNP, PDEA XI ug AFP nga sikopon ang mga nag alema sa maong plantasyon sa marijuana human naka matikod kini sa nagkaduol nga mga otoridad.
Gumikan sa kalisud sa bakilid ug kabagnot sa gidaganan sa mga suspek diin dili suhito sa lugar ang raiding team rason nga nakahimo gyud sa pagsibat ang mga suspitsado.
Giandam na sa Kibalawan PNP ang kasong kalapasan sa Section 16 sa RA 9165 aron ipasaka sa korte batok sa mga suspitsado.
RadyoMaN Erin Lumosbog
