2.5M nga suspected shabu, narecover sa drug buy bust sa Barangay 1

Kapin sa 2.5 million pesos (2,500,000) nga balor sang illegal nga droga ang na-recover gikan sa isa ka babayi sa buy bust operation kagab-e, sa syudad sang Bacolod.

Ang suspek amo si Jessel Castillo, 28 anyus, residente sang Purok Tangigue, Barangay 1, Bacolod City.

Samtang, nakapalagyo naman ang upod ni Castillo nga si Ernesto Calatis, residente man sang amo nga lugar.


Ang buy bust operation ang ginpatigayon pasado alas-10 kagab-e sa pagpanguna sang City Drugs Enforcement Unit sang BCPO sa area sang Barangay 1.

Narecover gikan sa suspek ang mga drug paraphernalia kag 54 tanan ka sachets sang suspected shabu nga nagabug-at sang 200 gramos kag may market value nga kapin sa 2.5 million pesos.

Facebook Comments