VICTORIAS CITY – Kapin 2.7 milyones pesos nga balor sang suspected shabu ang na-kunpiskar sang gintingob nga pwersa sang Regional Drug Enforcement Unit (RDEU6) kag Victorias PNP pasado alas-8 domingo sang aga sa Zone 4, Barangay 6, syudad sang Victorias.
Ginkilala ang suspek kay Leoner Jalando-on, legal ang edad sang Sitio Sibucao, Barangay Banago, syudad sang Bacolod.
Si Jalando-on ang ‘killed in action’ matapos nga nagtuyo ini nga magbato sa otoridad.
Samtang, lakip naman sa nadakpan ang iya live-in partner nga nakilala sa kay Janine Cruz, 18 anyos sang Barangay 16, syudad sang Bacolod.
Nahibaluan, nga mga lima pa gid lng ka adlaw nga naga renta ang mga suspek sa isa ka apartment sa Victorias City.
Nakuha sa suspek ang ang 101 ka sachets sang suspected shabu nga may market value nga 2.7 million pesos.
Lakip man sa narecover sa apartment sang suspek ang buybust money nga P27 mil, armas nga cal .38 nga may 3 ka bala, isa ka hand grenade, lima ka basiyosang 9mm pistol, digital nga kilohan kag drug paraphernalia.
Nahibalu-an nga si Leonor Jalandoon ang ginatudlo nga supplier sang illegal nga droga sa probinsya sang Negros Occidental.
