Napuhag ang mga nagatambong sa caucus ni Atty. Marven Daquilanea sa barangay Bungca, Barotac Nuevo, Iloilo matapos nangharass ang ginapahayag bodyguard ni Congressman Ferj Biron nga si Bernie Villanueva.
Ini mismo ang ginkumpirmar ni Atty. Marven Daquilanea sa interview sang RMN Iloilo.
Suno kay Daquilanea nga nagahiwat sila sang caucus sang nag-abot si Villanueva nga nagabitbit sang armas kag ginapahayag nga target sini nga tiruhon ang nagahambal nga kandidato sa pagka-konsehal sa banwa sang Barotac nuevo nga si Tony Parcon.
Nakuhaan pa sang litrato sang pila ka nagatambung sa caucus ang suspek nga nagabitbit sang armas.
Gilayon man nga nagresponder ang kapulisan sang BarotacNnuevo PNP sa pagpanguna ni Police Captain Albert Lepsia apang nakapalagyo na ang suspek.
Natigayon man nga nadakpan sang mga pulis ang suspek kag yara na karon sa custody sang Barotac Nuevo PNP apang wala na marecover ang armas.
Si Atty. Daquilanea nagapadalagan sa pagka-congressman sa 4th district sa idalum sang PDP-Laban batuk sa bata ni Congressman Biron nga si BJ Biron.
