2.7 million pesos, damyos sa sunog sa Kauswagan

PC: RadyoMaN Anne Jane Duhaylungsod

Gibana-banang mokabat sa 2.7 million pesos ang damyos sa sunog kagahapong adlawa sa Phase 2, NHA, Barangay Kauswagan ning syudad sa Cagayan de Oro.

 

Ang nasunog mao ang tulo ka andanang balay nga gipanag-iyahan ni Engineer Tessie Gales.

 

Base sa report sa BFP nga mga alas 5:30 sa hapon kagahapong adlawa nadawat nila ang report sa sunog, alas 6:43 sa gabie na under control ug alas 7:30 sa gabie na fire out.


 

Sa interview kang Engr. Tessie Gales nga human sa pagbundak sa ulan ila nalang nabantayan nga nagsila ang wire gawas sa ilang balay ug kalit nalang dayon ilang nakita nga nagkalayo na ang taas nga bahin sa balay.

 

Sa inisyal nga imbestigasyon sa BFP, gibutyag ni Fire Inps. Willie Tan ang Fire Ground Commander nga ila pang gitan-aw ang maong angulo bahin sa wire nga nagsila ug ila pang palawman ang ilang imbestigasyon alayon sa sunog ug nagpasalamat kini nga walay nasamdan sa maong insedente.

 

Giangkon usab ni Fire Inspector Tan nga dugay sila nakaporma ug nakasumpay sa ilang hose kay under construction ang main road sa NHA. Phase 2 ug dili maagian sa ilang fire truck.

Facebook Comments