Duha ka magsoon ang namatay , samtang adunay inahan ug anak ang naangol human sila pulos nakoryentihan sa Barangay Palanas lungsod sa Alcantara sa habagatang Sugbu.
Ang mga namatay mao ang magsoong Junnie ug Philip Tabanao ,nga nag-edad ug 18 ug 17 anyos .
Matud sa imbistigasyon ni PO2 Eduardo Sagun sa Alcantara Police Station, unang nakoyentihan ang paryente ra usab niini nga tres anyos nga bata ug dali kining gitabang sa inahan nga si Gina .
Ang magsoong Tabanao nga nakakita sa nahitabo sa inahan ug anak nidali usab sa pagtabang apan sila na hinoon ang nagrabihan ug namatay .
Ang koryente nahikapan nila sa likod nga bahin sa ilang panimay sa grounded nga barbed wire.
Facebook Comments
