GENERAL SANTOS CITY – Duha ang gipangdala sa Dr. Jorge Royeca Hospital lakip ang 8-anyos nga batang babaye human mapaso samtang 21 ka mga boarding house ang naabo dihang gilamoy og kalayo sayo sa buntag adlawng Sabado Hunyo 2 ning tuiga sa Mateo Road, Barangay Lagao ning siyudad.
Parehong may first degree burn silang Lailanie Villeza, 48-anyos og Jerish Simbajon 8-anyos human mapaso ilang braso, abaga, batiis, tuhod og tiil.
Nasayran sa paunang imbestigasyon sa Bureau of Fire Protection Gensan nga ilaha pang sutaon ang hinungdan sa sunog nga nilamoy sa gipuy-an sa mga boarders.
Matod pa kay SFO2 Nelson Enong ang team leader sa nirespondeng bombero sa lugar nga nahitaboan sa sunog siya mikanayon nga niabot og unang alarma ang panghitabo na girespondehan sa duha nila ka mga fire trucks kauban ang South Cotabato Filipino Chinese Chamber of Commerce ug KCC Volunteer Fire and Rescue Brigade.
Kahibaluan nga ugdaw gyud ang mga kwartong giabangan sa mga boarders sagad empleyado sa mga dagkong mall sa dakbayan.
Gisuta sad sa arson investigator ang posibleng kalapad sa damyos sa mga propyedad sa nasunogan.
Hinuon walay nakalas nga kinabuhi gawas na lang sa duha ang naangol og luwas na ang kahimtang human gidapatan og atensyong medical sa rescue team sa City Hall.
For more info’s and updates, like and share our official facebook account : www.facebook.com/ifm91.9Gensanofficial/
