General Santos City—2 ang angol sa nahitabong rumble tali sa duha ka grupo sa mga batan-on gawas sa Explore Bar nga nahimutang sa Bula, Lagao Road, Barangay Lagao, General Santos City.
Giila ang mga biktima nga silang si Johnny Boy Cordiño, 19, ug Benjie Balieke, 19, pulos residenti sa Barangay Tinagacan, General Santos, City.
Sa inisyal nga imbistigasyon sa Police Station 3, nasuta nga gikan sulod sa Explore bar ang duha ka grupo.
Pag-gawas sa mga nahisgutan sa bar, didto na sila nagrumble diin nadunggaban ang duha ka mga biktima. paspas nga nanibat ang mga suspek samtang ang biktimang si Benjie gidala sa Socksargen, Hospital ug si Johnny Boy gidala sa Dr. Jorge Royeca Hospital.
Nasayran nga nagbingkil nang daan sulod sa bar ang mga nahisgutan ug didto na nagtiwas gawas nga misangko sa pagpanunggab.
