[image: IFM 919 Logo (1).jpg]
Nakabsan sa kinabuhi samtang anaa sa hospital sa Gensan ang 2 anyos nga batang lalaki human maadmit tungod sa sakit nga dengue.
Giila ang bata sa pangalang Oscar Telen Jr., taga-Purok 4, Barangay Poblacion, Malapatan, Sarangani Province.
Matod sa lola sa bata nga si Virginia Abistano nga niaging semana sa gabie gikalintura ang iyang apo.
Nagtuo ang pamilya nga naulian ra ang bata apan niaging Martes nahimong balisa ang bata hinungdan gidala sa ospital sa Gensan.
Niaging alas-11 sa buntag adlawng Huwebes unang gidala sa pribadong ospital sa Gensan ang bata apan pag abot alas-4 sa hapon samang adlaw namatay na kini tungod sa kaisog sa dengue.
Samtang ang silingan nila nga bata sab ang gipaadmit na sa ospital human makitaan og kasusamang sintomas sa sakit.
Nabalaka matod pa ang apohan sa ilang silingan nga si Danilo Sanoria tungod wala na mikanaog ang temperature sa hilanat sa iyang apo.
Samtang nakaabot na ang maong impormasyon sa kaso ngadto sa Municipal Health Office ug nagpahinumdum sila ngadto sa mga ginikanan nga seguraduhon ang panglawas sa mga bata.
