Arestado ang duha sa lima ka target nga mga drug personalities sa ginpatigayon nga drug operations sang gintingob nga pwersa sang PDEA Regional Office XII, Regional Public Safety Battalion (RPSB) XII, South Cotabato Police Drug Enforcement Unit (SCPDEU) kag Sto. Niño Municipal Police Station sa Barangay Ambalgan sa banwa sang Sto. Niño kahapon sang kaagahon, Enero 26, 2018.
Ginkilala ang naaresto nga mga suspek kanday Thong Salambat Kawit Alias Kagawad (Watchlisted), 46 –anyos, mangunguma kag Jerald Kansai Dagadas, alias Idol Dagadas, 19 -anyos, may-asawa, mangunguma kag pareho residente sang Purok Lovers sa nasambit nga barangay.
Nakuha sa posisyon ni Kawit ang 1 ka large kag 4 ka small heat-sealed transparent plastic sachets sang shabu, samtang sa puluy-an ni Dagadas nakuha ang 2 ka large kag 5 ka assorted sizes sang plastic sachets sang suspected shabu.
May kabug-aton naman nga more or less 11 grams ang mga nakumpiskar nga droga nga nagakantidad sang P 55,000.00.
Suno kay PDEA 12 Information Officer Kathryn Abad nga pito ka mga mga search warrant ang ginserbi nila batok kanday Kawit, Dagadas, Noel Eday, Northata Pagayao kag kag Jukarno Delangalen.
Samtang nakuha naman sa puluy-an nanday Eday, Pagayao kag Delangalen nga wala sang nagpadulong ang operatiba sa ila nga puluy-an ang yara sa 12 ka sachets sang suspected shabu nga may kabug-aton nga more or less 15 grams nga nagakantidad sa P75,000.00.
Makabig naman suno pa nga big time supplier sang iligal nga droga sa lugar kag kaiping nga mga banwa ang nasambit nga mga suspek.
Kaso naman nga pagbayolar sa Section 11 (Possession of Dangerous Drugs), Article II of The Comprehensive Dangerous Drugs Act of 2002 or Republic Act 9165 ang ipasaka batok kanday Kawit kag Dagadas lakip na sa tatlo ka mga suspek nga at large tungod may nakuha man nga shabu sa ila nga mga puluy-an.
