Arestado ang duha ka mga drug personalities sa ginpatigayon nga buy-bust operation sang Philippine Drug Enforcement Agency (PDEA 12) sa bahin sang General Santos Drive, Koronadal City, alas 9:00 kagab- i, Marso 3, 2019
Ginkilala ang mga nadakpan nga sanday Kevin Pinto Bobis, alias Ken-ken, 24-anyos, single, construction worker kag residente sang Quezon Street, Brgy. GPS, Koronadal City kag Emily Aspilla Estrebillo, 25-anyos, single, jobless kag residente sang Purok Pag-asa, Brgy. Edward, T’boli, South Cotabato.
Nadakpan ang duha matapos nga magpasugot nga magbaligya sang isa ka sachet sang suspected Methamphetamine hydrochloride ukon shabu saPDEA Agent nga nagpakilala nga poseur buyer kambyo sang P500.00 buy-bust money.
Nakumpiskar sa mga suspek ang 1 ka small, 4 ka medium kag 2 ka large sachets sang suspected shabu nga may kabug-aton nga more or less five (5) grams kag nagakantidad sang P34,000.00, improvised all-weather tooter, 2 ka cellphone kag motorsiklo.
Kaso naman nga pagbayolar sa Section 5 (Sale of Dangerous Drugs), Section 11 (Possession of Dangerous Drugs kag Section 12 (Possession of Drug Paraphernalia) sang Article II of Republic Act 9165 ukon The Comprehensive Dangerous Drugs Act of 2002 ang ipasaka batok sa mga suspek.
Sa subong nakadetine ang duha sa PDEA ROXII Detention Facility.
