Sa report sa Davao City Police Office (DCPO), girespondehan sa kapulisan ang tawag sa mga concerned citizen batok sa mga armadong mga indibidwal kagabie.
Sumala sa San Pedro Police Station, alas-9:36 kagabie nakadawat sila’g report nga adunay lalaking gadala-dala’g revolver sa Bankerohan Bridge, Purok 1, Bryco, Brgy.5-A ning syudad.
Sa gilusad nga police assistance naabtan sa mga nirespondeng tropa ang gihulagway nga suspek.
Atol sa pagpaila sa mga awtoridad alegasyong namusil kini hinungdan nga nibalos og pabuto ang kapulisan ngadto sa suspek.
Gidala pa kini sa ospital apan gideklara kining dead on arrival sa mga doktor.
Sumala sa San Pedro Police, ang suspek na-identipikang sa pangalang RYAN, 27 anyos, Construction Worker, taga- Purok 2, Bryco, Brgy.5-A, Davao City.
Narekober sa SOCO sa suspek ang 13.75 gramos sa droga nga mobalor sa P1,650.00.
Sa pikas bahin, patay usab human giingong nisukol sa kapulisan sa Talomo ang gisumbong nga suspek sa giingong pagpangawat sa auto shop sa Santan Street, Bangkal.
Matud sa kapulisan, wala kini hapsay nga nakigkooperar ug nahitabo na ang engkwentro batok sa suspek.
Ang patayng lawas niini anaa sa SPMC morgue ug base sa report unidentified pa ang pa kini nga nagpangedarong 30-35 anyos, naka-mixed colored t-shirt nga blue ug naka-short pants.
Gisulayan pa og kuha sa DXDC Team ang mga pamahayag sa mga kabanay sa mga giingong nisukol patay nga mga suspek.
RadyMaN Aimee Guinita
