General Santos City—Takda nang kasuhan ang duha ka mga suspetsadong dinakpan atol sa gilusad nga entrapment operation sa Regional Police Drug Enforcement Unit 12 ug sa Police Station 1 inabagan sa PDEA Regional Office-12 sa may Papaya Street., barangay South, Gensan.
Giila ang suspek nga silang si Hohn Haiver Canacan Alangan alias Tat, 24, residenti sa barangay Tinagacan, ug Kim Matabalao Montañer, 27, residenti sa Bo. Obrero, Barangay North Gensan.
Nasikop ang mga nasangpit human nga nakuhaan ug (2) ka sachet sa gituohang shabu gamit ang P500.00 nga marked money.
Samtang laing sachet pa sa gituohang shabu, cellphone ug motorsiklo ang narekober sa kapulisan gikan sa posisyon sa mga suspek.
Kasong kalapasan sa Sec. 5 ug sec. 11 sa art. II, sa RA 9165 ang atubangon sa duha ka mga suspetsado.
