General Santos City–Malampusong nasikop sa personahe sa Police Station 4 ang duha ka mga tao sa ilang ka sunod sunod nga operasyon batok sa iligal nga droga niadtong milabay nga Byernes sa Barangay City Heights, Gensan.
Sumala pa ni PO1 Elbern Lacasa, imbistigador sa Police Station 4 ang ang mga nadakpan ang giila nga silang Wilmar Destor Jumuad, 51 anyos, nga nanimuyo sa Bulaong, Saway, Barangay Labangal kung diin nasikop alas 2:15 ang takna sa hapon human napalitan ug usa ka sachet sa shabu ug nakuhaan ug lain pang usa ka sachet sa gituohang shabu ug buybust money.
Nasikop usab sa follow-up operation sa kapulisan ang usa ka Kelvin Daniel Delos Reyes, 25 anyos, alas 3:50 sa hapon human nga gitudlu kini sa unang dinakpan nga maoy source sa iyahang droga kung asa napalitan usab kini ug usa ka sachet sa gituohang shabu.
Mag atubang ug kasong pagsupak sa RA 9165 (Comprehensive Dangerous Drugs Act Of 2002) ang duruha nga nagtingkagol karon sa selda sa Police Station 4.
Gihingusgan ni PO1 Lacasa nga legitimate nga operasyon ang gibuhat sa ilang tropa human nga gialigaran sila sa mga suspect ug pa pananum ug ebidensya.
Dugang pa niini nga wala man gyo’y suspect nga miangkon nga namaligya sila ug iligal nga droga hinungdan nga kung aduna silay pasangil sa kapulisan ila nalang kining idepensa ngadto sa korte. (Dave Silagan)
