Inaresto ng mga tauhan ng Bureau of Immigration (BI) ang dalawang dayuhan dahil sa paggamit ng pekeng pasaporte.
Kinilala ang mga dayuhan na isang Chinese na si Han Yujia, 36-anyos at Columbian national na si Juan Arturo Carbajo, 48-anyos.
Ayon kay Glen Comia ng immigration travel control and enforcement unit, naharang ng BI ang dalawa na tinangkang makalabas ng bansa gamit ang mga pekeng pasaporte.
Napag-alamang nabili ng mga dayuhan ang pekeng pasaporte sa halagang 300 dolyar.
Sa ngayon, kasalukuyang naka-piit ang dalawang dayuhan sa Bicutan Detention Center habang inaayos ang kanilang deportation papers.
Facebook Comments
