General Santos City—mukabat sa P350,000.00 nga kantidad sa gituohang shabu ang nasakmit sa operatiba sa PDEA-12 gikan sa 2 ka mga estudyante dungan sa gihimong buybust operation nga gipahigayon sa Miranda St., Polomolok, South Cotabato niadtong nakalabayng adlaw.
Giila ang mga suspek nga silang si Jechael Manipon, 24, estudyante ug Ariel Delina, 21, estudyante, pulos residenti sa Purok Miana, Poblacion, Polomolok, South Cotabato.
Mukabat sa (3) ka sachet sa gituohang shabu ang narekober gikan sa posisyon sa mga suspek nga adunay gibug-aton nga (51) ka gramos nga dunay street value nga P346,800.00.
Nakuha usab sa posisyon sa mga suspek ang P1,000.00 nga marked money kansa gigamit sa PDEA agent sa pagpalit ug droga sa mga suspek.
Kasong kalapasan sa Sections 5 (Sale of Illegal Drugs), Section 11 (Possession of Illegal Drugs) ug sec. 26 (b) (Conspiracy to sell) ilawom sa RA 9165 (Comprehensive Dangerous Drugs Act of 2002) ang ipasang-at nga kaso sa PDEA ngadto sa maong mga estudyante.
