2-gipang tipi sa riding in tandem

General Santos City—on the spot patay ang usa ka lalaki samtang dead on arrival sa ospital ang lain pang biktima sa nahitabong pagpamusil sa area sa Prk. Mauswagon, Barangay Apopong ning dakbayan.

Ang mga biktima nailhang silang si Roman Agpet, legal age, Vulcanizer , residenti sa samang lugar kansa on the spot nga namatay ug Jerry Mantay, 30, kanhing Volcanizer ug kasamtangang construction worker, residenti sa Prk. San Lorenzo, Barangay apopong ning dakbayan.

Alas 8:00 ang takna sa gabie, Byernes, June 23, 2017 kalit lang miabot ang mga suspek nga nakamotorsiklo dayon gipusil ang biktimang si Jerry samtang siya anaa sa iyang Volcanizing Shop, igo sa iyang ulo kansa daling gidala sa Dr. Jorge Royeca Hospital apan gideklarang patay alas 8:55 ang takna sa gabie.
Sunod nga gipusil ang biktimang si Agpet samtang kini anaa sa iyang tindahan tulo ka higayon nga hinungdan sa iyang hinanaling kamatayon.


Sumala sa mga testigo, paspas nga misibat ang mga suspek sakay sa motorsiklo padulong sa New Society, Barangay Apopong.
Gibutyag usab sa asawa sa biktimang si Agpet nga si Myra Casim nga ayha ang pagpamusil, naa na silay namatikdang tawo nga nagbahis-bahis sa ilang balay, pila ka minotos ang nakalabay, may nitawag sa ngalan sa iyang bana, pag agawas niini sa ilang balay didto na kini gipusil sa mga suspek dayon sibat.

Sumala ni Police Chief Inspector Jing Salarda Hepe sa Police Station 2, (Makar Police Station) nga usa sa mga anggulong gitutukan karon sa kapulisan ang kalabutan sa pagpanimalos human nga gituohang posibling gidudahan ang mga biktima nga maoy nagsumbong sa kapulisan sa gikalambigitang pagpayuhot ug druga sa dinakpan sa tropa sa City Drug Enforcement Unit (CDEU) niadtong nakalabayng Simana.

Hinuon gipalawman pa sa kapulisan ang ilang imbistigasyon kalabutan sa insidenti. Samtang wala usab nila gibaliwala ang uban pang anggulo sa krimen.

Facebook Comments