Davao City – Nasikop ang usa sa duha ka mga opisyal sa gobyerno kinsa gikunsiderang high value target alas 2:30 sa kadlawun sa Jose Abad Santos, Davao Occidental sa gilusad nga raid batok sa duha.
Sa report sa Police Regional Office kun PRO XI, dakpan pinaagi sa search warrants ang giilang si Jessel Atay, elected Municipal Councilor sa Jose Abad Santos, Davao Occidental; samtang nakaikyas ang usa ka Harold Mark Seteota, Brgy Kagawad of Brgy. Butulan sa nasangpit nga lugar diin ang duha nakalapas sa Sec. 11 Republic Act 9165 kun Comprehensive Dangerous Drugs Act of 2002.
Ang mga nasangpit nga opisyal sa gobyerno nakuhaan og mga pakete sa gituohang shabu diin ang maong operasyon gilusad sa hiniusang pwersa sa PRO XI, Regional Police Drug Enforcement Unit 11, Regional Mobile Force Batallion 11 ug Jose Abad Santos Municipal Police Station.
Giandam na usab ang mga kaso batok sa mga dinakpan pinaagi sa regular filing ug inquest proceedings.
Matud pa ang maong mga opisyales sa gobyerno mao ang naa sa listahan isip level 2 sa President Duterte’s Drug watch list sa Davao Occidental.
Subay niini nagpahinumdom si PRO XI PCSUPT Marcelo Morales ngadto sa iyang personahe nga sktriktong pagsunod sa protocol sa pagpatuman sa mga kinahanglang buhaton sa operasyon aron mahisubay sa trabaho ug responsibilidad isip police officers.
“Our fight against illegal drugs exempts no one. Kahit sino ka pa, small time o big time dealers, tutugisin namin kayo dahil kasiraan kayo sa kapayapaan at kaunlaran ng ating bansa.” Segun ni Morales.
RadyoMaN Renz Barbarona
